Laidback Nerd

miss ko kabataan ko

pinoy games: taguan, piko, patintero, tambubong, tumbang preso, tug-of-war, 21, monkey-monkey, sipa, bahay-bahayan, tanching, vertical, atbp.

miss ko tumatakbo sa kalyeng mabuhangin at maalikabok. miss ko yung hinahabol ako ng nanay ko pag pumatak na ang 6:00 p.m. at nasa labas pa ako ng bahay. miss ko manghuli ng gagamba. miss ko ang umakyat sa puno ng santol, makopa, chico, mangga, kaimito, mabolo at duhat. miss ko ang kumain kasama ang angkan sa isang mahabang mesa at ang plato ay dahon ng saging. miss ko ang habulin ang mga bibe at pabo sa likod ng bahay namin. miss ko ang humanap ng mga nakakalat na bote at gawing target ng tirador. miss ko umakyat ng bubong at mahiga lang sa silong. miss ko ang nagpapakain ng baboy, miss ko ang tumatambay sa kapitbahay. miss ko ang naglilimas ng tubig sa loob ng bahay pagkatapos umulan ng malakas. miss ko ang naglalakad lang at kung saan-saan na nakakarating. miss ko ang naliligo sa patubig. miss ko ang gigising sa madaling araw at lilipat ka sa tabi ng ate, kuya o magulang. miss ko ang umihi sa kama (hehe). miss ko ang sumasabit sa likod ng volkswagen ng tito ko. miss ko ang nagbabaon ng ovaltine/milo at chokies. miss ko ang “win agad”. miss ko ang mag-rent ng komiks kina joy. miss ko ang kumain ng belekoy. miss ko si snoopy, grepol, nichie, bambie, brownie at jj. miss ko nagtatago sa hamper. miss ko na yung manghuli ng butete. miss ko ang kumuha ng kangkong pag baha sa capitol gardens para ipakain sa alagang baboy. miss ko na magpalipad ng kalapati at abangan itong bumalik sa bahay namin. miss ko ang family computer. miss ko umakyat sa bubong para ikutin ang antenna para luminaw ang palabas sa tv. miss ko ang tumataya ng jueteng kay apong jose.

at syempre miss ko ang maglaro ng teks.

miss ko kabataan ko.